🎉 კომლმა ჰაინრიჰ ბიოლის ფონდის მხარდაჭერით კიდევ ერთი პროექტი, „ფორუმ თეატრი – თამაში ცვლილებებისთვის“ განახორციელა. ამჯერად კასპის მუნიციპალიტეტის სოფელ ფერმას ვეწვიეთ.
🟩 „ფორუმ თეატრი“ შედგებოდა ორი ეტაპისგან. თავდაპირველად, შერჩეულმა ახალგაზრდებმა მონაწილეობა მიიღეს ტრენინგში – „როგორ დავდგათ ფორუმ თეატრი?“, პროექტის დასკვნით ეტაპზე კი მათ მოამზადეს კონკრეტულ პრობლემაზე ორიენტირებული დადგმა და წარუდგინეს სამიზნე აუდიტორიას. სოფელ ფერმის მოსახლეობას საშუალება მიეცა ინტერვენციის გზით ჩაენაცვლებინა დადგმის ერთ-ერთი პერსონაჟი და მოეგვარებინა წარმოდგენილი პრობლემა.
🟩 ღონისძიება ინტერაქციული გზით წარიმართა. წარმოდგენის მსვლელობისას გაიმართა საინტერესო დისკუსია, რომლითაც საზოგადოება მონოლოგის რეჟიმიდან დიალოგის რეჟიმში გადავიდა. ერთად განვიხილეთ მოცემული პრობლემის არსი, გამომწვევი მიზეზები და შედეგები.